Fitim Humolli i cili sot dha dorëhequr nga Komisioni qeveritar për matjen e territorit të Kosovës, në “Interaktiv” të KTV-së ka treguar për arsyet që e kanë shtyrë të tërhiqet nga ky komision.
“Komisioni i emëruar nga Qeveria është ndarë në dy grupe në grupin organizativ dhe atë profesional. Unë kam qenë në atë profesional. Ne që kemi kritikuar nuk na kanë thirrur të jemi pjesë e terrenit. Ne jemi informuar nga mediat dhe në një takim të radhës, më duket i treti ka qenë, na kanë informuar për disa matje që i kanë bërë”, tha ai.
Sipas tij, matjet nuk kanë qenë në gjithë territorin e Kosovës por kanë verifikuar disa shtylla elektrike të tensionit të lartë të cilat për mua janë jorelevante.
“Shpresoj që Kosova të mos ngelet në pozicionin që ta matë territorin me shtylla elektrike, se a është andej apo këndej kufirit”, ka shtuar më tej ai.
