Komuna e Skenderajit po qëndron stabile në situatën e krijuar me koronavirus.
Zëdhënësi i kësaj komune, Leutrim Sahiti për lajmi.net ka thënë se nuk janë në pritje të ndonjë rezultati sepse nuk ka mostra të dyshuara.
“Nuk kemi ndonjë rast të konfirmuar që ka bërë testet sot. Nëse IKSHPK-ja ka marrë ndonjë mostër pa dijeninë tonë, por nuk kemi ndonjë informacion”, tha Sahiti për lajmi.net.
Për gjendjen e të infektuarve me koronavirus Sahiti tha se gjendja e tyre është stabile.
“Dy rastet e para që janë shfaqur janë në spital dhe dy rastet e tjera nuk kam informacion”, tha Sahiti.
Në fund, ai tha se në Skenderaj po respektohen të gjitha vendimet kufizuese.
“Po po respektohen të gjitha vendimet qoftë nga niveli qëndror, qoftë nga shtabi emergjent në komunë, të gjitha po respektohen nga qytetarët”, tha Sahiti në fund. /Lajmi.net/
