Mjeku kryesor që ka marr pjesë në këtë lindje është Zef Ndrejaj. Në një prononcim për Telegrafin ai tha se gjatë 20 vite të tij të punës si mjek, e edhe më parë, nuk ka parë e nuk ka dëgjuar të ketë lindur ndonjë foshnje me peshë më të madhe.
Zef Ndrejaj
Sipas tij, çdo gjë ka shkuar në rregull në sallën e lindjes dhe se nëna nga Mitrovica është në gjendje të mirë.
“E kam parë që është një bebe e madhe. Thënë të drejtën, të gjithë ne, stafi, jemi ndjerë mirë për këtë. Çdo gjë ka shkuar pa komplikime. Foshnja dhe nëna janë shumë mirë”, ka thënë Ndrejaj.
Mashallah: Lindi foshnja me 5.820 kilogramë…
Arbenita Ferati Baliu ndihet e lumtur që u bë nënë për herë të parë, përfshirë edhe faktin se djali i saj do të futet në regjistrat e Kosovës si foshnja me peshën më të madhe në lindje.
“Emrin ia kemi lënë Amar. Jam shumë e lumtur”, ka thënë ajo e kapluar nga emocionet për lindjen e djalit të shëndetshëm të saj. /Telegrafi/
