Një i mitur është goditur nga një veturë në fshatin Qikatovë e re të komunës së Drenasit, raporton GazetaBlic. Këtë e ka konfirmuar për GazetaBlic edhe zëdhënësja e Policisë së Kosovës, Flora Ahmeti.
“Rreth orës 16:00, në fshatin Qikatovë e re të Drenasit, ka ndodhur një aksident i komunikacionit rrugor në mes një automjeti në levizje dhe një këmbësori. Si pasojë e aksidentit rrugor lëndime të rënda trupore ka pësuar këmbësori (i mitur 2009). Personi i lënduar është dërguar për tretman mjekësor, ndërkohë që ngasësi i automjetit me urdhër të prokurorit është dërguar në qendrën e mbajtjes për 48 orë”, ka thënë Flora Ahmeti.
Ahmeti ka thënë se aktualisht njësia e trafikut rajonal po vazhdon me veprimet e nevojshme hetimore me qëllim të zbardhjes së rrethanave që kanë shkaktuar këtë aksident.
