Këtë të hënë rreth mesditës ka ndërruar jetë në Burgun e Lipjanit një I paraburgosur që ka qenë I akuzuar për veprën penale “Vrasje e rëndë në ndihmë”.
Pas dhënies së ndihmës së parë nga stafi mjekësor i Qendrës së Paraburgimit në Lipjan, me udhëzim të mjekut të kësaj qendre, është përcjellë për në Emergjencën e qytetit, njofton Shërbimi Korrektues i Kosovës, transmeton Klan Kosova.
Nga Qendra e Mjekësisë Familjare në Lipjan, më pas është marrë informata se i paraburgosuri N.M, edhe pse është reaminuar, nuk ka mundur të mbijetojë.
Me rastin raportohet se janë duke u marrë organet kompetente.
