“Ndihem shumë i nderuar” – Thaçi me përgjigje “boomerang” për kundërshtarët politikë që e kanë quajtur “servilizëm” qasjen e tij ndaj ShBA-së

“Servilizëm”, kështu e kanë quajtur shpeshherë qasjen e ish-presidentit Hashim Thaçi ndaj Shteteve të Bashkuara të Amerikës.

Në një përgjigje të dhënë në intervistën e tij në “Rubikon”, Thaçi tha se ndihet i nderuar për marrëdhëniet e tij me ShBA-të, shkruan lajmi.net

“Nëse ndokush e kupton realizimin e vullnetit të Popullit për Liri, Pavarësi, para pak vitesh edhe themelimin e Ushtrisë së Kosovës, njohja nga 119 shtete dhe integrimi në organizata ndërkombëtare si dëgjueshmëri apo servilizëm timin në raport me ShBA dhe Perëndimin – lëre që nuk ndihem i akuzuar por ndihem shumë i nderuar. Nuk jam bukëshkalë!”, tha ish-presidenti./lajmi.net/