Me një ndeshje miqësore ndërmjet veteranëve të Drenicës nga Skenderaj dhe Trepçës nga Mitrovica, ku ishte i pranishëm edhe nënkryetari i Komunës, Nuredin Lushtaku, pastaj veteranët e futbollit dhe sportdashësit, janë nderuar dy legjendat e futbollit të Drenicës, Hashim e Hajdin Ajeti, në përkujtim të vdekjes së tyre dhe respektit, për kontributin e dhënë në futbollin tonë drenicas.
Nënkryetari i Komunës, Nuredin Lushtaku, në emër të kryetarit Jashari, i ka falënderuar pjesëmarrësit në këtë ngjarje sportive, në shenjë nderi për legjendat e futbollit të Drenicës.
Fillimisht, veteranët e futbollit nga këto dy skuadra elitare të Kosovës, kanë bërë homazhe te varret e vëllezërve Hashim e Hajdin Ajeti, ndërkaq për ceremonisë së homazheve, kanë zhvilluar ndeshjen, në fushën ndihmëse të KF “Drenica”.
Pas një loje të mirë, të treguar nga veteranët e futbollit, duke na kujtuar kohërat e arta të tyre, ndeshja ka përfunduar me rezultat të barabartë, 2:2.
