Kryeministri Isa Mustafa i ka kërkuar një ministri të kabinetit të tij që të tërhiqet nga posti, nëse nuk dëshiron që të shkarkohet nga vetë ai.
Muajin e kaluar, prokuroria ka ngritur një aktakuzë për keqpërdorim të detyrës ndaj Ministrit për Kthime dhe Komunitete, Dalibor Jevtiq, prandaj Mustafa ka thënë se nuk dëshiron që në kabinetin e tij të ministrave të ketë anëtarë nën akuzë, raporton kallxo.com.
“Është një praktikë që e kemi instaluar në qeverisje që çdo ministër i akuzuar duhet të tërhiqet vetë ose ta shkarkojmë. Ne do të bisedojmë me Listën Serbe për këtë rast. Jo që të bëjmë kompromise por që ta realizojmë qëllimin ashtu siç kemi vepruar me ministrin (Ferid) Agani dhe me zëvendësministrin Gashi që janë tërhequr vetë”, tha Mustafa.
- Advertisement -
