Mushkolaj: Vështirë që opozita e bën qeverinë, posti i kryeministrit është problemi

Imer Mushkolaj, analist ka deklaruar se kryeministri aktual dhe njëherazi edhe fituesi i zgjedhjeve të përgjithshme parlamentare, Albin Kurti nuk do të “dorëzohet” për krijimin e qeverisë, pasi që ai do të provojë me çdo kusht e mundësi krijimin e saj.

Mushkolaj në “Debat Plus” tha se situata për krijimin e qeverisë është një temë serioze pavarësisht anës së partive politike, qoftë LVV-ja apo edhe partitë opozitare.

“Dy opsione të ndryshme dhe asnjëra fatlume për qeveri stabile. Edhe VV-ja me çfarëdo përpjekje, modeli me i arrit 61 mos të harrojmë se tash një vit kemi çështjen e presidentit/es. Edhe opozita do të ballafaqohet me situatën e tillë.  Të dy opsionet janë me një kohëzgjatje prej një viti. Edhe nuk e marrë punët kryer dhe të mirëqenë se bashkohet opozita pasi posti i kryeministrit është problemi”.

“LDK ka deklaruar se ose Lumiri bëhet kryeministër ose hiq. Nuk është e lehtë bashkimi i partive opozitare. Situata është serioze pavarësisht koalicioneve. Është e komplikuar. Kurti ka me provu me çdo kusht krijimin e qeverisë. Nuk ka me deklaru se ky tha jo, jo dhe po tërhiqet. Cilado qeveri që krijohet s’ka me qenë stabile”, tha Mushkolaj.