Skuadra spanjolle, Mallorca ka triumfuar ndaj kampionit në fuqi në Spanjë, Atletico Madrid, përcjell Reporteri.net.
Për skuadrën e Mallorcës kjo është fitore tejet me vlerë, pasiqë ata luftojnë për mbijetesë në La Liga.
E, golin e fitores ua solli sulmuesi kosovar, Vedat Muriqi, i cili u tregua i saktë nga pika e bardhë në minutën e 67-të të ndeshjes
Tifozët e Mallorcas brenda stadiumit festuan golin e yllit kosovar, gol ky që rezultoi të ishte i tre pikëve, por kishte edhe tifozë të tjerë jashtë stadiumit të cilët prisnin gjuajten e Muriqit.
Pasi që shënoi gol, Muriqi vrapoi drejt tifozëve duke festuar, ndërsa në një televizor jashtë stadiumit, kur e kuptuan tifozët që penalltia konkretizohet me gol, festojnë si të çmendur.