Kryetari i Komunës së Pejës, Gazmend Muhaxheri, ka folur rreth për zhillimet e fundit në skenën politike dhe për listën e kandidatëve për deputetë nga LDK’ja.
Muhaxheri ka lënë të hapur mundësinë e një marrëveshje me Lëvizjen Vetëvendosje, dhe ka folur për listën e deputetëve që partia e tij do paraqesë për zgjedhje.
“Është e qartë që LDK e ka nominuar Vjosa Osmanin dhe kandidatja jonë nuk mundet të negociohet në çështjen e kryeministrit të ardhshëm të Republikës së Kosovës. Të gjitha opsionet e tjera janë të hapura dhe ka mundësi t’i diskutojmë deri më 30 gusht kur përfundon afati për koalicione” ka thënë Muhaxheri për Radio 1.
“Besoj që nuk do të jem në listë, nëse kryesia e LDK’së vendos që të jem, normalisht që duhet të dal. Nga dega jo. Ne nga dega i kemi tre kandidatë të suksesshëm që kanë qenë edhe deputetë, ata janë Kujtim Shala, Besa Gaxheri dhe Ramiz Kelmendi”, shtoi anëtari i kryesisë së LDK’së.
“Duhet pritur të reflektoj secila palë. Është vendimi i Kushtetueses që e favorizon fituesin e garës ta formojë qeverinë dhe kjo frymë po imponon koalicione dhe po krijon frymë jo të mirë. Besoj për këtë se raporti i forcave të pas 6 tetorit do imponojë ndoshta edhe koalicione të tilla të tjera. Për ne ka qenë i pëlqyer me Vetëvendosjen dhe kjo për rifunksionalizimin e shtetit”, tha Muhaxheri.
