Për ditën e premte, 24 korrik, parashihet mot me vranësira të pjesshme dhe kushte për reshje lokale shiu, të shoqëruara me shkarkime rrufesh, kryesisht gjatë orëve të pasdites.
Temperaturat minimale do të lëvizin ndërmjet 9 dhe 13 gradë Celsius, ndërsa ato maksimale pritet të arrijnë nga 19 deri në 24 gradë Celsius.
Era do të fryjë nga veriu dhe veriperëndimi me intensitet të lehtë deri mesatar, me shpejtësi prej 2 deri në 8 metra në sekondë.
Meteorologët këshillojnë qytetarët që të kenë kujdes gjatë pasdites në zonat ku priten reshje dhe shkarkime rrufesh.
