Moti për nesër e pasnesër në Kosovë

Sipas Iinstitutit Hidrometeorologjik të Kosovës, në dy ditët e ardhshme vendi ynë do të jetë nën ndikimin e masave të ajrit me presion të ngritur atmosferik.

Gjithashtu, në njoftimin e këtij instituti thuhet se në këto kushte do të mbajë mot me diell dhe vranësira të ndërrueshme. Vranësirat gjatë ditës së enjte parashihen të shoqërohen me reshje shiu.

“Temperaturat minimale parashihen të lëvizin ndërmjet 2-6 gradë Celsius, ndërsa maksimalet e ditës parashihen të lëvizin ndërmjet 12-16 gradë Celsius. Do të fryjë erë e lehtë deri mesatare nga drejtimi i verilindjes”, thuhet tutje në njoftimin e IHMK-së.