Një aksident i rëndë trafiku ka ndodhur në natën e së martës, në rrugën magjistrale Prishtinë-Podujevë.
Dëshmitarët kanë bërë të ditur për Gazetën Express se ngjarja ka ndodhur afër fshatit Lupç, në Komunën e Podujevës.
Nuk dihet tani për tani asgjë rreth pasojave të këtij aksidenti, i cili ka bllokuar qarkullimin e automjeteve, duke shkaktuar një kolonë të madhe.
Megjithatë, autoambulancat janë parë te vendi ku ka ndodhur aksidenti. Në vendin e ngjarjes ka dalë edhe Policia e Kosovës, e cila po merret me rastin.
Gazeta Express ka siguruar pamje nga vendi i ngjarjes.
