Gjykata Themelore në Gjakovë, në seancën e të premtes, liroi Fatmir Limajn i cili akuzohej për krime lufte.
Limaj ngarkohej për përgjegjësi komanduese në rastin e njohur si “Bellanica” ku më 2 tetor të vitit 1998, katër persona të maskuar kishin marrë Selman Binishin e Ramiz Hoxhën për t’i ekzekutuar më pas në hyrje të fshatit Kravasari.
Por, Prokuroria nuk ka paraqitur prova bindëse që përmbushin elementet e veprës penale që i vihej atij në barrë, njofton Klan Kosova.
Pos kësaj, pala e akuzës nuk ka arritur të sjellë prova se i akuzuari ka mundur të dijë që në atë kohë po ndodhte një krim diku afër vendit ku vepronte.
Ky ishte procesi i tretë gjyqësor ku ish-komandantit i Brigadës 121 të UÇK-së u ballafaqua me akuza për krime lufte.
- Advertisement -
