Mitrovicë, kërkesa të mëdha për t’u pajisur me dokumente, shkak migrimi

Si në cdo qytetet të Kosovës, edhe qytetarët e Mitrovicës po marrin rrugën e gurbetit për një jetë më të mirë.

Nëpër sportelet e komunës shihen radhë ta gjata për t’u pajisur me dokmunte, si rrallë herë në këtë periudhë të vitit.

Drejtori i Drejtorisë së Administratës së Përgjithshme të Komunës, Abdullah Bejtullahu, ka njoftuar bordin e drejtorëve për shifrat alarmante të qytetarëve që janë pajisur këto ditë me dokumente nga gjendja civile dhe kërkesat për to, që vazhdojnë të jenë të mëdha ende, gjë që tregon për numrin e madh të mitrovicasve që po e lëshojnë vendin.

“Vetëm gjatë javës së kaluar në gjendjen civile janë lëshuar 3.000 dokumente, ndërkohë që mbesin të gjata radhët e qytetarëve që të pajisen me dokumente të gjendjes civile. Që nga mëngjesi shërbimi i gjendjes civile në Mitrovicë bllokohet nga palët, dhe dihet se për çka po i marrin këto dokumente”, tha Bejtullahu./Drenicapress.info/