Ministri i Financave, Bedri Hamza ka theksuar se do të ketë rritje të pagave. Dhe atë sipas tij nga 1 janari.
Ai në emisionin “Rubikon” të KTV-së ka thënë se rritje do të ketë për të gjithë ata që punojnë në sektorin publik, si në nivel qendror ashtu edhe në nivelin lokal.
Rritja sipas tij, do të jetë në propocion me rritjen ekonomike në vend dhe në përputhje me ligjet në fuqi.
“Rritja do të jetë 4 për qind. Ndërkaq, deri në fund të mandatit, rritja do të shkoj deri në 20 për qind”, tha ai.
Ai ka thënë se ngjashëm sikurse kur ishte ministër në qeverinë Thaçi, njëjtë do të veproj me rritjen e pagave edhe në këtë mandate.
- Advertisement -
