Ministrat e Jashtëm të Iranit dhe Arabisë Saudite folën të hënën për herë të dytë brenda 24 orëve, raportuan mediat shtetërore iraniane, shkruan CNN.
Ministri i Jashtëm iranian Abbas Araghchi dhe homologu i tij saudit, Faisal bin Farhan, folën për “zhvillimet më të fundit” lidhur me procesin diplomatik në vazhdim mes Iranit dhe Shteteve të Bashkuara, raportoi agjencia shtetërore e lajmeve IRNA.
Agjencia shtetërore saudite e lajmeve tha se bin Farhan mori një telefonatë nga Araghchi të hënën dhe se të dy shkëmbyen pikëpamje për bisedimet SHBA-Iran.
Dy vendet kishin hyrë në një përplasje të rrallë gjatë këtij konflikti, kur Irani goditi Arabinë Saudite me raketa dhe dronë në shenjë hakmarrjeje për sulmet amerikane dhe izraelite kundër territorit të tij.
- Advertisement -
