Më shumë se tre minuta simpatizantët e Albin Kurtit, duartrokitën e brohoritën për të, përderisa ngjitej në skenë për paraqitjen e platformës së tij para anëtarëve të kësaj partie. Militanët e VV-së thërrisnin “Albin, Albin”, për siç e quajnë vetë ata “babën e Vetëvendosjes”.
Kandidati i vetëm për postin e kryetarit të Lëvizjes Vetëvendosje, Albin Kurti gjatë ditës se sotme paraqiti platformën e tij për kryetar të Lëvizjes. Por ky tubim u injorua nga anëtarët e partisë të shumtë në numër të cilët tashmë kanë dhënë dorëheqje nga postet brenda partisë. Bashkë me ta, këtë tubim e injoroi edhe kryetari i Prishtinës, Shpend Ahmeti, i cili ende nuk e ka ndarë rrugën se a do të pozicionet kah krahu i Kurtit apo i Molliqajt.
Sidoqoftë, këtë ngjarje Shpend Ahmeti e shikoi drejtpërdrejt në Facebook, përderisa rastësisht apo qëllimshëm po qëndron në Tiranë.
Shikojeni se si brohorisin militantët e VV-së për Albin Kurtin.
