Dy ndeshje radhazi pa fitore për Milanin që deri para pak xhirove ishte në luftë për titullin kampion, kurse sot e ka rrezikuar seriozisht edhe top-4shen në Serie A.
Kuqezinjtë u mposhtën në udhëtim 2:0 nga Sassuolo, në kuadër të javës së 35-të në elitën e futbollit italian.
Domenico Berardi kaloi vendasit në epërsi qysh në minutën e pestë të ndeshjes, pas asistit nga Lauriente.
Gjithçka mori kthesë tjetër për mysafirët, kur Tomori u ndëshkua me kartonin e dytë të verdhë në minutën e 24-të, duke lënë Milanin me një lojtar më pak në fushë.
Diferenca numerike ishte e dukshme, teksa Milani nuk arriti të bëntë diçka më shumë.
Në anën tjetër, Sassuolo e vulosi fitoren me golin e Lauriente në minutën e 47-të të takimit.
Kjo fitore e ngrit Sassuolon në pozitën e nëntë me 49 pikë të grumbulluara.
Në anën tjetër, Milani mbetet me 67 pikë në vendin e tretë.
