Drejtori i Milanit, Geoffrey Moncada, është parë sonte në Spanjë duke ndjekur ndeshjen Sevilla vs. Getafe, dhe raportohet se ai po skautonte Christantus Uche, objektivin e Wolves.
Rossonerët kanë siguruar një marrëveshje për sulmuesin e Sporting CP, Conrad Harder, dhe pritet që ai të mbërrijë të martën për të kaluar testet mjekësore të mërkurën. Sipas raportimeve, kjo marrëveshje vlerësohet rreth 24 milionë euro, plus 3 milionë euro shtesë dhe një përqindje nga shitja e ardhshme e lojtarit.
Megjithatë, aktiviteti i Milanit në merkato nuk ka përfunduar. Drejtori Moncada është parë në tribunat e ndeshjes Sevilla – Getafe për të ndjekur mesfushorin kreativ sulmues, Uche.
22-vjeçari është përfaqësues i Kombëtares së Nigerisë dhe ka qenë shumë i lidhur me një transferim në Premier League te Wolverhampton Wanderers, si dhe me klube të Serie A, përfshirë Como. Raportohet se Wolves janë afër një marrëveshjeje rreth 19.7 milionë euro.
Milan mund të përpiqet të ndërhyjë dhe ta marrë lojtarin, duke u impresionuar nga fakti që Uche shënoi katër gola dhe dhuroi gjashtë asistime në sezonin e kaluar në LaLiga./GazetaExpress/
