Meteorologu Mendim Rugova tha se “kemi një stabilizim të motit”, ndërsa tregoi se “fushat anticiklonike po depërtojnë mbi Evropën Lindore dhe mbi rajonin tonë”.
“Do të kemi mot kryesisht me diell”, tha ai sot në #Gjesi në T7. Temperaturat tha se do të shënojnë rritje, por netët do të jenë të freskëta.
“Temperaturat e shënojnë një rritje, ndoshta deri në 33°C në Prishtinë, eventualisht deri në 35°C në pjesë tjera të vendit. Por netët po duken më të freskëta. Temperaturat deri në 13-14°C”.
“E kemi një periudhë stabile, por jo një valë të të nxehtit”, tha Mendim Rugova.
Ai tha se do të kemi “vetëm një periudhë e shkurtër me mot stabil”.
“Mandej prej ditës së premte, eventualisht në mbrëmje apo ditën e shtunë po pritet me depërtu qajo shtjella ciklonike mbi Italinë veriore dhe prapë na sjellin masa më të freskëta ajrore”.
