Ish-kryetari i Partisë Demokratike të Kosovës (PDK), Memli Krasniqi, ka vlerësuar listën e kandidatëve të partisë për zgjedhjet e 7 qershorit, duke thënë se ajo përfaqëson profile dhe shtresa të ndryshme të shoqërisë.
Përmes një postimi në Facebook, Krasniqi tha se Kosova ka nevojë për njerëz që dinë të punojnë, të bashkëpunojnë dhe të mbajnë përgjegjësi.
Ai theksoi se mbi 50 për qind e kandidatëve në listën e PDK-së garojnë për herë të parë, ndërsa në mesin e tyre ka profesionistë, të rinj, pensionistë, çlirimtarë, mërgimtarë dhe kandidatë me përvojë politike.
“Kosova, sot ka shumë nevojë për njerëz që dinë të punojnë, të bashkëpunojnë dhe të mbajnë përgjegjësi”, ka shkruar Krasniqi.
