Terroristët e ISIL-it kanë së paku 46 qelula aktive në Bosnjë-Hercegovinë e në Kosovë”, shkruan “Alo”-ja beogradase
Tabloidi i regjimit përhap panik në ballinë, duke thënë se xhihadistët çdo çast do të sulmojnë Republikën Serbe dhe pjesën qendrore të Serbisë, duke iu referuar të dhënave të shërbimeve të inteligjencës ruse, të cilat para do kohe u janë dërguar organeve shtetërore të Serbisë, transmeton gazetametro.net.
Sipas këtyre informatave, në territorin e BeH-së dhe të Kosovës gjenden me qindra “tërroristë të fjetur”, të cilët me të madhe përgatiten për sulme ndqaj serbëve. “Alo” më tej shkruan se qëllim i islamistëve është të krijojnë “kalifatin ballkanik”, përkatësisht shtetin islamik në Ballkan?!
Gazeta beogradase, e afërt me kryetarin e Serbisë thirret në një burim anonim, i cili thotë se posedon njohuri operative të shërbimeve ruse se në BeH e në Kosovë në këtë çast ka 46 qelula të gatshme që në çdo çast të sulmojnë. “Qëllimet e tyre të para janë RS e Serbia”, thotë burimi.
Gazeta e BeH-së “Slobodna Bosna” vëren se si burim relevant i informatave përmendet edhe eksperti i vetëquajtur për terrorizëm, Xhevad Galijasheviq, gjë që flet mjaft se nga cila fabrikë arrijnë lajmet e panikut dhe se kush e si manipulon me publikun në regjion. Për të mençurin mjafton – konstaton gazeta.
