Mbi 15 gradë celsius në Alaskë, banorët e quajnë rekord nxehtësie

Banorët e Alaskës, shteti me verior i SHBA-së, po përballen prej disa javësh me rekorde të temperaturave që kalojnë në disa vende më shumë se 15 gradë Celsius.

“Muajt shkurt dhe mars kanë qenë që të dy jashtëzakonisht të ngrohtë. Madje shumë vende janë duke thyer rekordet e nxehtësisë për muajin mars”, thotë Rick Thoman, specialist i Qendrës për Vlerësimin dhe Politikat e Klimës në Alaskë.