Manchester United më në fund ka zyrtarizuar transferimin e Bryan Mbeumo nga Brentford, por burime pranë klubit raportojnë se “Djajtë e Kuq” janë të tërbuar me mënyrën si Brentford e menaxhoi këtë marrëveshje.
Mbeumo u konfirmua si lojtar i United mbrëmjen e së hënës, pikërisht në kohë për t’iu bashkuar ekipit në turneun parasezonal në Shtetet e Bashkuara të Amerikës.
Ai ka firmosur një kontratë pesëvjeçare, me opsionin e zgjatjes për një vit tjetër.
Detajet e marrëveshjes:
Shuma fillestare: £65 milionë
Bonuset e mundshme: + £6 milionë
Shuma totale e mundshme: £71 milionë
Pse është i zemëruar Manchester United?
Sipas gazetarit Rob Dawson (ESPN):
“United nuk janë aspak të kënaqur me mënyrën se si Brentford e trajtoi këtë marrëveshje. Ata besojnë se vlerësimi financiar ndryshonte vazhdimisht dhe në një moment arriti deri në £70m + £7m bonuse.”
Gjithashtu, United janë të bindur se Brentford donte që Mbeumo ta refuzonte ofertën e tyre për t’u transferuar te Newcastle ose Tottenham, çka vetëm sa shtoi tensionet mes palëve.
Klubet e tjera të përfshira:
Newcastle ishte seriozisht i interesuar për Mbeumo si zëvendësim për krahun e djathtë të sulmit, por përfundimisht transferoi Anthony Elanga nga Nottingham Forest për £55 milionë.
Tottenham gjithashtu ishte në lojë. Trajneri Thomas Frank kërkonte ribashkimin me ish-lojtarin e tij, por Mbeumo tashmë kishte vendosur për Manchesterin.
Spurs përfundimisht transferoi Mohammed Kudus nga West Ham për £55 milionë dhe vijon interesin për Morgan Gibbs-White të Forest (me ofertë £60 milionë).
Tensionet mes klubeve janë rritur, sidomos pasi Nottingham Forest ka kërcënuar me veprime ligjore për një qasje të dyshimtë të paligjshme në rastin Gibbs-White.
Çfarë sjell Mbeumo te Manchester United?
20 gola sezonin e kaluar në Premier League (edhe pse pesë nga penalltia dhe tejkaloi ndjeshëm pritjet për të).
Kreativitet i madh në sulm: Vetëm Mohamed Salah dhe Alexander Isak kontribuan në më shumë gola (gola + asistime) sezonin e fundit.
Përshtatet me strategjinë e INEOS: Transferime nga Premier League, lojtarë të pjekur dhe të gatshëm për të performuar që nga dita e parë.
Në kombinim me Matheus Cunha (15 gola në ligë sezonin e fundit), Amorim më në fund ka armë serioze për t’i dhënë jetë sulmit të Manchester United.
Edhe pse shuma mund të duket e ekzagjeruar, United beson se ky ishte një çmim që duhej paguar për të ringjallur sulmin dhe për t’i dhënë Ruben Amorim një shans të vërtetë për sukses. Nëse vjen edhe një sulmues qendror, atëherë merkatoja e këtij verë mund të konsiderohet një sukses për “Djajtë e Kuq”. /GazetaExpress/
