Vazhdon edhe më tutje të mbetet pezull e ardhmja e tij.
Fjala është për fantazistin e Juventusit, Paolo Dybala, i cili sipas të gjitha gjasave do të largohet nga “Allianz Stadium”, shkruan GazetaBlic.
Përkundër se disa skuadra të mëdha evropiane janë të interesuara për t’i siguruar shërbimet e argjentinasit, duket se 20’të herë kampioni anglez, Manchester United është në “pole-position”.
Thuhet se tashmë bisedimet mes palëve kanë filluar, ndërsa mbetet të shihet sesi do të rrjedhin gjërat ditëve në vazhdim.
Kujtojmë se ai ishte përfolur si pjesë e operacionit të transferimit në Inter, ku do të shkëmbehej me Icardin, por që u refuzua kategorikisht nga “ishi” i Palermos.
