Nënkryetari i PDK-së, Sami Lushtaku, është shprehur i pikëlluar nga lajmi për ndarjen nga jeta të bashkatdhetarit Shaqir Gashi.
Lushtaku u ka shprehur ngushëllimet më të sinqerta familjes, miqve e dashamirëve të Shaqir Gashit.
Lexojeni të plotë reagimin e Sami Lushtakut:
Me pikëlloi thellë lajmi për ndarjen nga jeta të veprimtarit e atdhetarit, Bacës Shaqir Gashi nga fshati Vajnikë i Skenderajt. Ai që nga viti 1968 ka jetuar dhe vepruar në Shtetet e Bashkuara të Amerikës por kontributi i tij për lirinë e vendit ka qenë i madh.
Për kontributin e tij për çështjen kombëtare të vendit tonë, me propozimin tim në maj të vitit 2013, z. Shaqir Gashi është shpallur qytetar nderi i komunës së Skenderajt.
Ngushëllimet më të sinqerta familjes, miqve e dashamirëve! SL
