Tre luanë shpëtuan një vajzë 12-vjeçare në Etiopi, e cila ishte rrëmbyer nga disa persona që donin ta detyronin atë për t’u martuar.
Burrat e kishin mbajtur vajzën për një javë në jugperëndim të vendit, duke e rrahur vazhdimisht përpara para se luanët t’i ndiqnin.
“Ata qëndruan roje për gjithë ditën derisa policia dhe familja e gjetën atë dhe pastaj e lanë atë si një dhuratë”, tha rreshteri Wondimu Wendaju në krahinën e Kefës, përcjell Albeu.com.
“Nëse luanët nuk kishin ardhur atëherë kjo mund të kishte qenë shumë më keq. Shpesh këto vajza të reja përdhunohen dhe rrihen rëndë për t’i detyruar ata të pranojnë martesën”, tha ai.
Stuart Williams, një ekspert i kafshëve të egra me ministrinë e zhvillimit rural, tha se kishte të ngjarë që vajza ishte ruajtur sepse ajo po qante.
Vajza ishte “e tronditur dhe e tmerruar” dhe duhej trajtuar për rrahjet dhe gjendjen psikologjike, tha Sgt Wondimu.
Ai tha se policia kishte kapur katër nga burrat, por ende ishin duke kërkuar tre të tjerë.
