Në ambientet e sallës “1 Tetori” në Prishtinë ka nisur numërimi i votave për kandidatët për deputet.
Krahas numërimit të pjesës së fletëvotimit ku qytetarët kanë votuar për kandidatët për deputetë, gjatë këtij procesi do të verifikohen edhe votat e subjekteve politike nga formularët të cilët janë plotësuar në vendvotime pas numërimit të pjesës së fletëvotimit ku votuesit kanë votuar për subjektet politike.
Ekipi i IndeksOnline është duke qëndruar në ambientet e “1 Tetorit” për të parë nga afër këtë proces, që raportohet se po zhvillohet pa ndonjë ekces madhor.
Krahas numërimit që po zhvillohet në Prishtinë, procesi i numërimit të votave ka filluar edhe në Qendrat Komunale të Numërimit në Obiliq, Lipjan dhe Partesh./IndeksOnline/
- Advertisement -
