Në orët e hershme të mëngjesit të sotëm ka ndërruar jetë, drejtori i Inspeksionit të Komunës së Suharekës Mejdi Gallopeni, nga fshati Dobërdelan, anëtar i Nismës Socialdemokrate dega në Suharekë.
Kryetari i Nismës Socialdemokrate, Fatmir Limaj, ka shkruar se me dhimbje të thellë ka marrë lajmin për vdekjen e mikut të tij, Mejdi Gallapenit, shkruan Drenicapress.
Limaj i ka shpreh ngushëllime familjes së të ndjerit Gallapeni.
Lexojeni të plotë postimin e Limajt:
Me dhimbje të thellë mora lajmin për vdekjen e mikut tim, Mejdi Gallapenit.
Mejdiu ishte njëri nga themeluesit dhe drejtuesit e Nismës Socialdemokrate në Suharekë.
Vdekja e hershme e Mejdiut është humbje e madhe jo vetëm për familjen e tij, por për të gjithë ata që e kanë njohur Mejdiun.
Do ta kujtojmë përherë si një intelektual dhe një burrë i urtë e shumë punëtor me plot energji pozitive.
Ngushëllimet më të sinqerta për familjen dhe për gjithë anëtarët dhe simpatizantët e Nismës Socialdemokrate.
Prehu në paqe miku im!
FL
