Lëshoi ujin për të ujitur, befasohet nga ajo që del prej gypit
BILLI·
Fermeri i njohur vetëm si Dhaniram, ka mbetur i befasuar kur lëshoi ujin që të ujiste fushën dhe prej gypit dolën cilindra akulli të formuara në mënyrë të përkryer.
E tëra ndodhi pasi regjioni Haryana në Indi, u përfshi nga një dimër i ftohtë dhe uji i ngri prej temperaturave të ulëta.
“Kur e aktivizova pajisjen për ujitje, nuk po dilte uji dhe desha ta ndërprisja nga frika se është dëmtuar mekanizmi. Mbeta i hutuar kur i pashë akulloret”, ka thënë Dhaniram me mahi.
Temperaturat e ulëta që janë të pazakonshme në atë zonë, kanë shkaktuar problem te banorët, të cilëve iu janë ngrirë kanalizimet dhe rezervuarët e ujit.
