Këngëtarja e mirënjohur shqiptare, Leonora Jakupi, gjatë vitit që lamë pas nuk ishte edhe aq aktive me projekte e koncerte muzikore.
Megjithatë, bukuroshja nga Drenica mbajti aktiv fansat në rrjetet sociale, derisa nuk ka hezituar të sjellë imazhe dhe video të ndryshme nga përditshmëria e saj.
Ndonëse shquhet për stilin unik dhe i kushton vëmendje mjaft të madhe paraqitjeve të saj, Jakupi u komentua tejet shumë për një nga veshjet e fundit të saj.
E veshur me një pallto të gjatë e me çantë dore ‘Channel’, biondja dukej në top formë pavarësisht viteve.
Për këtë dukje atraktive, Leonora duket të ketë shpenzuar mbi 10.000 euro, kjo sipas faqes “What They Wearin”.
Palltoja e saj e markës ‘Max mara’ kushton afro 3.700 euro, çanta ‘Channel’ 6.200 euro dhe këpucat e saj mbi 1000 euro.
Ndërkaq, Leonora ditë më parë theksoi se do të martohet sivjet, edhe pse akoma nuk e ka bërë publike lidhjen e saj të dashurisë. /Telegrafi/
