Manchester City ka filluar bisedimet për transferimin e mbrojtësit të majtë të Bayern Munichut, David Alaba.
“The Sun” ka bërë të ditur se zyrtarë të klubit nga Premierliga janë takuar me përfaqësuesit e 24-vjeçarit për të diskutuar rreth transferimit të tij në “Etihad Stadium”, pas përfundimit të këtij sezoni.
Pep Guardiola beson se mund ta bind reprezentuesin austriak që të transferohet në Manchester City.
Menaxheri i “Citizens” ka kërkuar nga klubi të transferojë mbrojtës të rinj në krah, për sezonin e ardhshëm.
City ka pranuar gola nga gabimet në krahun e djathtë por edhe tek i majti në javët e fundit, përfshirë barazimin ndaj Evertonit të shtunën në “Etihad Stadium”.
Në ndërkohë, Bayern Munich ka insistuar se Alaba nuk është në shitje, por situata mund të ndryshojë deri në fund të sezonit./Gazeta Sheshi/
