Profesori nga Skenderaj, Fahredin Ademi, duke parë situatën pandemike dhe nevojën për t’i ndihmuar nxënësit maturantë rreth Testit të Maturës, ai ka përgatitur qindra pyetje dhe përgjigje në adresen e tij zyrtare www.fahredinademi.com, ku nxënësit maturantë mund të ushtrohen pa patur nevojë për pagesë, shkruan Drencia Press.
Profesori i shkollës së mesme profesionale “Qendra e Kompetencës” në Skenderaj, Fahredin Ademi, për portalin Drenica Press bëri të ditur se që nga viti 2017 ka filluar të përdorë sistemin e mësimit në distancë, sidomos në teste elektronike dhe inçizime të ligjeratave për t’ju lehtësuar nxënësve mësimnxënien. Por ai shton se kurrë nuk e ka menduar se një ditë do të vijë situata që mësimi në distancë do të bëhet mënyra e vetme e mësimdhënies.
Te gjithë nxënësit maturantë mund të provojnë testet elektronike që janë dedikuar pyetje dhe përgjigje rreth Testit të Maturës në këtë link: https://www.fahredinademi.com/teste-elektronike/
Në këtë portal të profesorit, Fahredin Ademi, keni edhe ligjerata të inçizuara me video mësimore, bibliotekë digjitale, teste elektronike e shumë materiale tjera të rëndësishme rreth lëndës së gjuhës shqipe. Më poshtë përmes një video mund të merrni informacione shtesë./DRENICA PRESS/
Ndiqni hapat si në videon e dhënë më poshtë për të shikuar përgjigjet e sakta të testit.
