Ushtarët e Kosovës do të punojnë njëjtë si ata të administratës publike.
Sipas ligjit për shërbim në Forcën dhe Sigurinë e Kosovës, pjesëtarët e ushtrisë do të punojnë 40 orë në javë, shkruan Gazeta Infokus.
“ Kohëzgjatja e rregullt e orarit të punës për në FSK, është e njëjtë me atë të administratës publike. Në rrethana normale, pjesëtarëve aktivë të FSK-së ju kërkohet të punojnë mesatarisht dyzet (40) orë në javë.”, thuhet në këtë ligj.
Ndërsa në raste të jashtëzakonshme orari edhe mund të zgjatet.
“Përjashtimisht nga paragrafët 1 dhe 2 të këtij neni, orari i punës për FSK mund të zgjatet pёr nevoja të shërbimit të brendshëm, gatishmërisë, stërvitjeve dhe operacioneve. Përcaktimi i orarit të punës nё FSK bëhet me akt të veçantë nënligjor të nxjerrë nga Ministri.”, thuhet në nenin 12.
Ndryshe të enjten deputetët e Kuvendit të Kosovë kanë votuar pro kalimit të tri projektligjeve për FSK-në/Gazeta Infokus/
- Advertisement -
