Ministria e Shëndetësisë ka bërë të ditur se numri i përgjithshëm i personave të lënduar si pasojë e tërmeteve është 105, nga të cilët vetëm dhjetë persona janë ende në spital.
Pjesa tjetër pasi ka marrë mjekimin e nevojshëm është larguar për në banesat e tyre.
“Pjesa me e madhe e pacientëve kanë lenë spitalet dhe aktualisht janë 7 qytetarë që po marrin shërbim në spitalin e Traumës dhe 3 qytetarë në spitalin e Durrësit”, thuhet në njoftimin e Ministrisë së Shëndetësisë..
Lëndimet janë shkaktuar kryesisht nga rrëzimet apo goditjet.
Sipas Ministrisë së Shëndetësisë së Shqipërisë, vijon gatishmëria e ekipeve mjekësore në spitalin e Traumës, në QSUT dhe në spitalin e Durrësit. Spitalet janë në gatishmëri të plotë, me staf të përforcuar mjekësor. /sinjali/
