Ditëve të fundit Kosova ka ndërruar shumë në imazhin e saj. Përpos flamurit që në vend të hartës tani është publikuar autobusi që simbolizon ikjen e kosovarëve ndërkaq sot u publikua edhe himni i ri i Kosovës. Kështu ikja e kosovarëve drejt Perëndimit nuk ka të ndaluar, vazhdon ironizomi i qytetarëve shqiptarë me shtetin dhe simbolet e Kosovës. Dje u publikua “flamuri” i ri ku në vend të hartës së Kosovës gjendet autobusi, autobusi gjendet sërish në qendër të vëmendjes së autorit të “himnit” të ri kombëtar.
Taulant Ajvazi në redaksinë e Telegrafit ka dërguar “propozimin” e tij të ri për tekstin e himnit, të cilin mund ta lexoni më poshtë. /Telegrafi/
Himni Kosovës
Rreth autobusit të përbashkuar,
Me një pikëllim me një trishtim,
Të gjithë atje duke u tubuar,
Ta marrim rrugën për migrim.
Prej Kosovës veç ai largohet,
Që i ka ardh shpirti te huna,
Se këtu mirë ma nuk po bohet,
Zot i madh ti neve runa.
Në dorë çantat do t’i kemi,
Të ikim krejt ditë për ditë,
Ma këtu nuk mund të kthehemi
Se edhe shpijat i kemi shitë
Se u mbush plot Hungaria,
Gjermania e krejt Evropa,
Kosovë të iki krejt rinia
Si doket të kanë ngjitur rrota
