Kuvendi i Kosovës ka miratuar buxhetin e vitit 2018 këtë të diel.
Ligjvënësit kosovarë kanë votuar, pro projektbuxhetit me 62 vota, dy kanë qenë kundër dhe asnjë abstenim njofton Klan Kosova.
Në momentin kur kryetari i kuvendit, Kadri Veseli ka hedhur në votim projektbuxhetin e vitit 2018, në sallë të pranishëm kanë qenë 91 deputetë.
Me t’u votuar buxheti Veseli ka mbyllur punimet e seancës, pasi kjo ka qenë pika e vetme e rendit të ditës.
