Hashim Thaçit i ka humbur rruga në oborr dhe veprimet e tij nuk janë të rastësishme, thotë në emisionin “Kontakt”, deputeti Zafir Berisha, teksa komenton nderimet e presidentit Thaçi në varrezat e serbëve të vrarë gjatë luftës së fundit në Kosovë.
“Veprimet e tij kanë të bëjnë me barazimet e luftës çlirimtare dhe luftës gjenocidale që ka bërë Serbia ndaj Kosovës. Sjelljet dhe përkuljet që i bën kohët e fundit, kanë prapavijë, dhe prapavija e tyre mendoj që është në veprimet e ardhshme që mund t’i ndërmarrë Gjykata Speciale që është themeluar në bashkëpunim me Thaçin për ta dënuar Ushtrinë Çlirimtare të Kosovës dhe për ta bërë barazimin me luftën okupuese të Serbisë”, ka deklaruar Berisha në bashkëbisedim me Valdrin Krasniqin në Tribuna Channel.
“Ne mund të shprehim keqardhje për çdo viktimë që ka ndodhur gjatë luftës në Kosovë, por jo në formën siç është duke e bërë ky president”, ka shtuar ai. “Vizitat dhe përkuljet e tij kanë prapavijë të dyshimtë”.
