Një javë pas vendosjes së orës së rrymës, Ramush Kamberit nga Gjilani fatura i ka ardhur 480 euro, pavarësisht se shtëpia është e re dhe askush nuk ka banuar në të, raporton KTV.
Kjo ka ndodhur pasi, sipas tij, ora që i është vendosur kishte rreth 6 mijë kw të regjistruar.
Ramush Kamberi thotë se është ankuar në zyrat e KEDS-it, por nuk i është bërë ndonjë zgjidhje. Ai po akuzon zyrtarët e KEDS-it për mashtrim.
Ramush Kamberi ka treguar se rastin e ka lajmëruar edhe në Polici.
Ndërkaq, në KEDS ende nuk i kanë bërë ndonjë zgjidhje.
Të njëjtit nuk kanë qenë të gatshëm t’i kthejnë përgjigje as interesimit të KTV-së lidhur me këtë çështje.
Edhe më parë ka pasur ankesa nga qytetarët sa u përket orëve të reja digjitale të vendosura nga KEDS-i.
