Kryetari i komunës së Istogut, Ilir Ferati, ka vazhduar takimet mobilizuese me strukturat e subjektit të tij politik në disa zona të Istogut, duke theksuar mbështetjen për kandidatët për deputetë dhe angazhimin e vazhdueshëm në terren.
Përmes një postimi në facebook, Ferati bëri të ditur se gjatë ditës së sotme kanë zhvilluar takime me nëndegën e Istogut, si dhe me qytetarë e aktivistë në Vrellë, Prigodë dhe Studenicë.
“Tash e sa kohë, forma më efikase që na mban të bashkuar janë takime të tilla me strukturat tona, ku diskutojmë zhvillimet politike dhe shprehet mbështetje e madhe për kandidatët tanë për deputetë. Sot e filluam pasditen me nëndegën e Istogut dhe vazhduam me takime në Vrellë, Prigodë e Studenicë – aktivizëm që s’ndalet, si përherë!”, ka shkruar Ferati./IndeksOnline/
