Kryetari i Komunës, Ramiz Lladrovci, është takuar me përfaqësuesit e organizatës INDEP, ku kanë diskutuar për mbajtjen e një tryeze me qytetarë dhe palë tjera të interesit për të diskutuar investimet kapitale në Komunën e Drenasit gjatë këtij viti.
Kryetari Lladrovci ka falendëruar përfaqësuesit e INDEP-it, të cilët kanë shprehur gatishmerinë për të organizuar një tryezë për diskutim me gjithë palet e interesit rreth investimeve dhe projekteve kapitale që janë të planifikuara për këtë vit. Përfaqësuesit e INDEP-it, kanë kërkuar nga Komuna e Drenasit që së bashku me organizatën të mbajnë një diskutim publik me temën “Investimet kapitale në Komunën e Drenasit dhe platforma Investometri”.
Ky diskutim është vendosur që të mbahet gjatë këtij muaji dhe ne takim do të marrin pjesë, përfaqësues të bizneseve, operator ekonomik, kryetar të fshatrave, qytetarë, OJQ dhe media. Për datën dhe vendin e mbajtjes së kësaj tryeze, Komuna e Drenasit dhe organizata INDEP, do të ju njoftojnë me kohë.
