Zyrtarë të Organizatës së Veteranëve të UÇK-së kanë shkuar pranë shtëpisë së Jakup Krasniqit, ku zyrtarë të Policisë së EULEX-it po zhvillojnë një operacion me urdhër të Prokurorisë së Specializuar.
Zyrtari i OVL të UÇK-së, Enver Hajdari e ka cilësuar maltretim trajtimin që po i bëhet Jakup Krasniqit, i cili po merret në pyetje brenda shtëpisë së tij në lagjen Velania në Prishtinë.
“Jemi njoftu se po bastiset shtëpia e bashkëluftëtarit tonë, zëdhënësit të UÇK-së. Kemi dalë me pa se çka po ndodh. Këto bastisje janë të njëanshme dhe nuk e njohim këtë gjykatë. Familjarët e Krasniqit na kanë thënë se janë maltretuar nga pjësëtarët e Eulex gjatë bastisjes”, tha ai.
Paraprakisht, avokati i Jakup Krasniqit ka thënë se Dhomat e Specializuara e kanë konfirmuar aktakuzën kundër klientit të tij, dhe se ai do të transferohet në Hagë për gjykim.
