Kryeministri Haradinaj viziton nënën, pas ndërhyrjes kirurgjike në një spital në Tiranë

Aty, Haradinaj ka folur fjalë të mëdha për nënën e tij.

“Sot e vizitova nanën Rukë në spital, ku pati një ndërhyrje kirurgjike, që e përballoi me sukses. Mirënjohës personelit shembullor mjekësor të sanatoriumit të Tiranës. Nana Rukë bartte forcën e madhe për ta përballuar edhe këtë sfidë. Çdoherë ka rrezatuar tek ne fuqi të jashtëzakonshme njerëzore edhe përkundër jetës së saj përplot vështirësi. Gjithmonë pranë teje, nanë!”, ka shkruar Haradinaj.

Para tre muajve, Haradinajt i ka vdekur babai, i cili ishte trajtuar në një spital privat në Kosovë.