Në ditën e mësuesit, kryeministri i Kosovës, Ramush Haradinaj ka zgjedhur shkollën fillore ‘Hasan Prishtina’, për t’i bërë një vizitë dhe për t’i uruar mësuesit për ditën e tyre. Ai ka thënë që si popull e kemi një dashuri të madhe për arsimin, shkruan Gazeta Blic.
Haradinaj, ishte i shoqëruar edhe nga ministri i Arsimit, Shyqyri Bytyqi.
Shihni shkrimin e plotë të kryeministrit Haradinaj të bërë në ‘Facebook’.
Përpjekja për t’i edukuar brezat nisi që në Korçën historike, për të vazhduar ndër vite, me qëllimin më njerëzor, dijen.
Sot ky mision vazhdon nga mësimdhënësit tanë, kudo ndër trojet shqiptare.
Në ditën e 7 Marsit, mësuesit i nderuam në shkollë Fillore “Hasan Prishtina”, ndër më të mëdhatë në Kosovë, duke i falenderuar për vetmohimin edhe në kohëra të vështira.
Misioni do të vazhdojë, tani me kujdesin më të dinjitetshëm institucional.
Si popull e kemi një dashuri të madhe për arsimin, prandaj mësuesit po ia kthejmë dinjitetin e nxënësit po ia rrisim dashurinë për dije!
