Kryeministri kroat Andrej Plenković tha sot se vendi nuk do të zbatojë vendimin e Gjykatës së Arbitrazhit në Hagë me anë së cilës Sllovenia fitoi tre të katërtat e gjirit Piran, duke i mundësuar të kalojë lirshëm nëpër pjesën e detit kroat, transmeton zeri.info
Plenković tha se Kroacia dy vjet më parë doli jashtë procesit të arbitrazhit të lartpërmendur, sepse ai u komprometua nga veprime të paligjshme.
“Ne do të përpiqemi për të zgjidhur nëpërmjet dialogut çështjet e pazgjidhura me Slloveninë” – tha Plenkoviç për mediat kroate dhe njoftoi se me përfaqësuesit e qeverisë sllovene do të diskutojë për këtë çështje të mërkurën më 12 korrik, në Lubjanë.
Policia kroate ka regjistruar kohët e fundit tre raste të shkeljes së vijës së kufirit detar midis këtij vendi dhe Sllovenisë, përcjell “Zeri.info”.
Gjykata e arbitrazhit në Hagë vendosi në fund të qershorit që Sllovenisë t’i përkasin tre të katërtat e gjirit Piran, ndërsa Sllovenia ka fituar një kalim të lirë nëpër pjesë të detit kroat.
Në të njëjtën kohë, kufiri i tokës mbetet i njëjtë, dhe zona “Josko Joras” mbetet në Kroaci.
