Shumë pjesë të Kroacisë sot janë zbardhur nga bora, derisa në Kosovë me ndryshimin e temperaturave ka pasur vetëm reshje shiu.
Mediat kroate raportojnë se në disa pjesë të Kroacisë nesër do të mund të ketë reshje bore deri në 40 centimetra, raporton lajmi.net.
Sipas parashikimeve të Institutit Hidrometeorologjik të Kosovës, gjatë këtyre dy ditëve të vikendit vendi ynë do të karakterizohet nga masat relativisht të ftohta të ajrit.
Temperaturat minimale do të lëvizin nga 2-3 gradë Celsius, kurse maksimalet e ditës parashihen të lëvizin ndërmjet 8-12gradë Celsius.
Në viset e ulëta do të ketë reshje shiu të intensitetit mesatar, kurse në viset malore parashihet të ketë reshje bore të intensitetit të dobët. Do të fryjë erë nga jugperëndimi me shpejtësi 1-5m/s.
Në javën e ardhshme pritet të ketë rënie të temperaturave.
