Kombëtarja e Turqisë ka kaluar një natë të vështirë pa gjumë në prag të përballjes me Kosovën, ndërsa atmosfera mes tifozëve vendas ka arritur kulmin para ndeshjes së rëndësishme të play-offit për Kupën e Botës.
Entuziazmi i tifozëve dardanë është rritur ndjeshëm me afrimin e sfidës, dhe një pjesë e tyre kanë ndërmarrë veprime për të ushtruar presion psikologjik ndaj kundërshtarit, raporton lajmi.net
Gjatë orëve të natës janë ndezur vazhdimisht fishekzjarre në afërsi të hotelit ku është akomoduar përfaqësuesja e Turqisë, me qëllim që lojtarët kundërshtarë të mos kenë qetësinë e nevojshme për pushim.
Pamje të publikuara në rrjete sociale tregojnë se aktiviteti me mjete piroteknike ka zgjatur për disa orë rresht, veçanërisht afër hotelin ku janë akomoduar ekipi turk, duke krijuar një atmosferë të zjarrtë para ndeshjes.
- Advertisement -
