Avokati Arianit Koci ka reaguar pas bllokimit të mërgimtarëve kosovarë në kufirin mes Kosovës dhe Kroacisë, duke kërkuar angazhim më të madh nga institucionet e vendit.
Përmes një postimi në rrjetet sociale, Koci ka bërë thirrje që përfaqësuesit institucionalë të Kosovës të jenë drejtpërdrejt të përfshirë në zgjidhjen e situatës.
Ai ka thënë se ministri i Punëve të Jashtme, zëvendësministri apo ambasadori i Kosovës në Kroaci duhet të jenë pranë bashkatdhetarëve deri në tejkalimin e problemit.
“Kroacia është shtet mik dhe, kur e sheh që vetë ministri apo së paku zëvendësministri po interesohet për qytetarët e vet, besoj se bën çmos që lirimin e kufirit”, ka shkruar Koci.
